കണ്ണൂരിൽ സാക്ഷരതാ മിഷനിൽ ഒഴിവുകൾ
Teacher Vacancies in Literacy Mission
keralacareer
0
891
കണ്ണൂർ: സാക്ഷരതാ മിഷന്റെ 2022-23 വർഷത്തെ പത്താംതരം, ഹയർസെക്കണ്ടറി തുല്യതാ കോഴ്സുകളുടെ ജില്ലയിലെ സമ്പർക്ക പഠന കേന്ദ്രങ്ങളിൽ വിവിധ വിഷയങ്ങളിൽ ക്ലാസെടുക്കാൻ താൽപര്യമുള്ളവരിൽ നിന്നും അപേക്ഷ ക്ഷണിച്ചു.
ലഭിക്കുന്ന അപേക്ഷകരിൽ നിന്നും തയ്യാറാക്കുന്ന അധ്യാപക ബാങ്കിൽ ഉൾപ്പെട്ടവരെയാണ് അധ്യാപകരായി നിയമിക്കുക. പത്താംതരം തുല്യതാ കോഴ്സിന് മലയാളം, ഇംഗ്ലീഷ്, ഹിന്ദി, ഫിസിക്സ്, കെമിസ്ട്രി, ബയോളജി, സാമൂഹ്യശാസ്ത്രം, ഗണിതം, ഐ ടി വിഷയങ്ങളിൽ അപേക്ഷിക്കാം.
ബിരുദവും ബി എഡുമാണ് യോഗ്യത. ഹയർ സെക്കണ്ടറി തുല്യതാ കോഴ്സിന് ഇംഗ്ലീഷ്, മലയാളം, ഹിന്ദി, ഹിസ്റ്ററി, സോഷ്യോളജി, എക്കണോമിക്സ്, പൊളിറ്റിക്കൽ സയൻസ്, എക്കൗണ്ടൻസി, ബിസിനസ്സ് സ്റ്റഡീസ് എന്നീ വിഷയങ്ങളിൽ അപേക്ഷിക്കാം.
ബിരുദാനന്തര ബിരുദവും ബിഎഡും സെറ്റുമാണ് യോഗ്യത. താൽപര്യമുള്ളവർ കവറിനു പുറത്ത് പത്താംതരം തുല്യത എന്നോ, ഹയർ സെക്കണ്ടറി തുല്യത എന്നോ എഴുതി ജില്ലാ കോ-ഓർഡിനേറ്റർ, ജില്ലാ സാക്ഷരതാ മിഷൻ, ജില്ലാ പഞ്ചായത്ത്, സിവിൽ സ്റ്റേഷൻ പി ഒ എന്ന വിലാസത്തിൽ ജൂൺ 20 ന് മുമ്പ് അപേക്ഷ സമർപ്പിക്കണം.
ഫോൺ നമ്പർ
0497 - 2707699
